معلقين ابوظبي الرياضيه

فارس عوض ( يا رباه )

كانت بداته في 2005 و كان من احسن المعلقين الشباب و تالق لين فتره كاس الخليج2007

اما بعدها بدت فتره الصريخ و الازعاج في القناه

في البريمير ليج فارس يمشي على نفس المنهج صراخ في صراخ و الغريب

انه القناه نفسها هي الي تعلي صوت المعلق

فارس ك معلومات ما عليه كلام

بس لو يعدل سالفه الصراخ الي مالها داعي





عيسى الحربين ( الله الله الله )


عيسى الحربين اكثر معلق يخليني اسرح وقت المباراه

والله احس بتنويم مغناطيسي لمده دقيقه و لو ركزت فجأه شو يقول عادي تسمع

قطارات اليابان و الحلم العربي الضائع و ابن اخت اللاعب تزوجت من زميله السابق و انجبت ولد

هذا الولد نفسه مات من سنتين

و لو كان يعلق للفريق الي اشجعه يا يخسر او يتعادل و نادر ما تصير حالات فوز



فهد العتيبي ( ذبحهم كواهم شواهم سدحهم )

اكثر معلق مظلوم في القناه و خيارات المباريات الكبيره اكثرها تروح ل فارس عوض

هالمعلق الوحيد الي يحسسك بجو البريمير ليج بس مشكلته انه بدا يصارخ من فتره

و بدا يمشي على طريق صارخ صارخ حتى تصم

شو تقييمكم للمعلقين هالموسم ؟